2020-mi suliffeqarfinni naatsorsuutit

2020-mi aningaasaqarnermi ineriartornerup takutippaa kaaviiaartitani 41 mio. kr.-nik appariartoqarsimasoq. Kaaviiaartitat tamakkiisut 22,2 mia. kr.­usimapput. Suliffeqarfinnilu sulisut tamakkerlutik 11.366-iusimapput. Nale­qarnerulersitsineq tamakkiisumik 655 mio.kr.-inik appariarsimavoq 8,4 mia. kr.-niit 7,8 mia. kr.-nut.

 

Titartagaq 1. Suliffeqarfinni pingaarnertut inernerit

 

Suliaqarfinni ataasiakkaani naleqarnerulersitsinerup ineriartornera sulia­qarfinni sulisunut naleqqiullugu takuneqarsinnaavoq. Suliaqarfik Aalisarneq, aalisakkanik tunisassiorneq niuernerlu aammalu Akunnittarfiit neriniartarfiillu sulisumut ataatsimut naleqarnerulersitsinera appariarfiunerpaasimapput.

 

Titartagaq 2. Sulisumut ataatsimut qaffariaatsip nalingani allannguutit, suliaqarfiit malillugit

Nalunaarut.: Suliaqarfik B. Aatsitassarsiorneq tabelimi ilaanngilaq.

 

Isumalluutit tamakkerlutik 47,9 mia. kr.-usimapput namminerlu aningaa­saatit 19,4 mia. kr.-usimallutik. Isumalluutit 3,8 mia. kr.-nik qaffariaateqarsi­mapput namminerlu aningaasaatit aamma 1,4 mia. kr.-nik qaffariaateqarsi­mallutik. Takussutissaq 1.-imi suliffeqarfiit tamakkerlutit ataatsimut naatsor­suutaannut pingaarnernut tabelit takutinneqarput.

 

Takussutissaq 1. Suliffeqarfinnut naatsorsuutit pingaarnerit, mio. kr.

	2019	2020	Allannguut 2020-2019	Procentin-ngorlugu allannguut
Nalunaarsukkat inerneri
Kaaviiaartitat  ...............................	22.275	22.234	-41	-0,2
Nalikilliliinnginnermi inernerit ....................	3.140	2.329	-811	-25,8
Ingerlatsinermi angusat .......................	1.845	1.072	-773	-41,9
Ukiumoortumik angusat akileraarut ilanngutereerlugu .	1.403	862	-541	-38,5
Naatsorsuutit oqimaaqatigiissinnerat
Sanaartornermi pigisat ........................	32.581	36.371	3.790	11,6
Kaaviiaartitani pigisat .........................	11.571	11.558	-13	-0,1
Namminerisamik aningaasaatit ..................	17.938	19.371	1.433	8,0
Akiitsut ....................................	26.214	28.558	2.345	8,9
Naleqarnerulersitsineq ........................	8.451	7.795	-655	-7,8
Suliffeqarfiit amerlassusaat .....................	771	818
Agguaqatigiissillugu ukiumut sulisut (inunnut) .......	11.315	11.399

Najoqqutaq: Naatsorsueqqissaartarfik, http://bank.stat.gl/ESNRESBAL

 

Sulisumut ataatsinut nalunaarsukkat akileraaruseriikkat takutippaat 2020-mi suliaqarfimmi Akunnittarfiit neriniartarfiillu kinguariartoqarnerpaasimasoq. Suliaqarfik Inissianik attartortitsinerit sullissinerillu allat qaffariarner­paaffiusimavoq 2019-imut naleqqiullugu.

 

Titartagaq 3. Sulisumut ataatsimut inernerit akileraaruseriikkat

Nalunaarut:Suliaqarfiit B. Aatsitassarsiorneq,

 

Takussutissaq 2. Pingaarnertut inernerit, suliaqarfiit malillugit

	Suliffeqarfiit	Sulisut	Kaaviaartitat	Akissarsiat, soraarnerus-sutisiat allallu	Ukiumoortumik angusat akileraarut ilanngaatige-reerlugu		Naleqarneru-lersitsineq	Pigisat	Nammi-nerisamik aningaa-saatit
	Amerlassusaat		Mio. kr.
Suliaqarfiit tamakkerlugit..........	818	11.399	22.234	5.466	862	8.488		47.929	19.371
A. Aalisarneq, aalisakkanik tunisassiorneq niuernerlu	83	2.756	5.928	1.559	226	2.796		10.661	4.975
B. Aatsitassiorneq....................	32	100	142	60	-178	-85		2.352	50
C. Atortussiorneq....................	32	221	433	89	52	188		464	125
F. Sanaartorneq.....................	134	2.069	3.532	953	127	1.111		3.438	1.902
G. Niuertunik pilersuineq atugassanillu nioqquteqarneq; Qamutinik iluarsartuus.........	122	2.618	6.573	868	119	1.244		5.007	2.639
H. Assartuineq assartugassalerinerlu.......	44	1.707	2.518	970	32	1.363		5.271	2.486
I. Akunnittarfiit neriniartarfiillu............	39	398	321	136	-15	209		633	215
J. Paasissutissalerineq attaveqaatilerinerlu...	29	547	1.082	285	142	573		1.760	1.317
K. Aningaaseriviit, aningaasaliisarfiit sillimmasiisarfiillu ..................	31	190	530	138	121	349		10.698	3.082
L Inissianik attartortitsinerit sullissinerillu allat	151	279	552	133	198	363		5.620	1.838
M. Namminersortunit, ilisimatusarnikkut teknikkikkullu suliaqartunit kiffartuussinerit	66	257	347	174	39	205		1.042	612
N. Allaffissornikkut kiffartuussinerit........	55	257	276	102	0	171		985	129

Najoqqutaq: Naatsorsueqqissaartarfik, http://bank.stat.gl/ESNRESBAL

 

Sulisumut ataatsimut sulisoqarnermut aningaasartuutit suliaqarfinni Aningaaseriviit, aningaasaliisarfiit sillimmasiisarfiillu 724 tusind kr.-iullutik aammalu Namminersortunit, ilisimatusarnikkut teknikkikkullu suliaqartunit kiffartuussinerit 675,2 tusind kr.-ullutik annertunerpaasimapput. Suliaqarfik Niuertunik pilersuineq atugassanillu nioqquteqarneq sulisoqarnermut aningaa­sartuuteqannginnerpaasimavoq, tassani atorfilimmut ataatsimut 331,4 tusind kr.- usimalluni.

 

Suliffeqarfimmi naleqarnerulersitsineq tassaavoq ingerlatsinermi isertitat nioqqutissanik aammalu kiffartuussinerit allat ilanngaatigereerlugit. Naleqar­nerulersitsineq sulisunut, aningaasaatinut, aningaasaliinernut nutaanut isu­mannaallisaanermullu akiliinernut atorneqartarpoq. Aammattaaq suliffeqar­finni naleqarnerulersitsinerit tassaasinnaapput akissarsisitsinerit tamakkiisut aammalu sinneqartoorutit ilanngaateqanngitsut.

 

Titartagaq 4.-miippoq qaffariaatip nalinga suliffeqarfiit malillugit. Aalisarneq, aalisakkanik tunisassiorneq niuernerlu suliassaqarfinni naleqarneruler­sitsinermi appariarnerpaaffiusimavoq, appariaat 877 mio. kr.-iulluni. Suliaqarfik Sanaartorneq qaffariarfiunerpaasimavoq, qaffariaat 122 mio. kr.-niulluni.

 

Titartagaq 4. Qaffariaatsip nalinga, suliaqarfiit malillugit

Najoqqutaq: Naatsorsueqqissaartarfik, http://bank.stat.gl/ESNNGl

 

Kisitsisit pingaarnerit

Suliffeqarfinni naatsorsuutit kisitsisinik pingaarnernik assigiinngitsunik naatsorsuisinnaanernik suliaqarfiit ataatsimut aningaasaqarnikkut ineriartornerannut takussutissiisinnaasunik periarfissiivoq.

 

Takussutissaq 3. Suliffeqarfinnut kisitsisit pingaarnerit, suliaqarfiit malillugit

	Iluanaarutit annertussusaat		Sinneqartoorutit annertussusaat		Akilissinnaassuseqarnerup annertussusaa (ratio)		Annaasaqarnermi akiliisinnaassutsip annertussusaa
	2019	2020	2019	2020	2019	2020	2019	2020
Suliaqarfiit tamakkerlugit ............	4,5	2,3	1,2	1,3	8,3	4,8	40,6	40,4
A. Aalisarneq, aalisakkanik tunisassiorneq niuernerlu	8,3	0,3	1,4	1,4	12,1	0,5	46,5	46,7
B. Aatsitassiorneq .........................	-16,0	-7,0	0,6	0,5	-427,6	-120,5	-0,3	2,1
C. Atortussiorneq ..........................	14,1	13,1	1,4	1,1	15,0	14,0	39,7	26,9
F. Sanaartorneq ...........................	9,8	5,9	1,6	2,0	9,0	5,1	58,0	55,3
G. Niuertunik pilersuineq atugassanillu nioqquteqarneq; Qamutinik iluarsartuussinerit ..................	5,7	4,3	1,8	2,1	4,1	3,2	49,5	52,7
H. Assartuineq assartugassalerinerlu ...........	4,2	2,1	1,9	1,3	6,3	4,1	50,0	47,2
I. Akunnittarfiit neriniartarfiillu .................	7,5	-2,5	0,8	0,4	9,0	-4,7	41,0	34,0
J. Paasissutissalerineq attaveqaatilerinerlu .......	8,1	10,9	1,3	1,8	13,4	18,1	69,5	74,8
K. Aningaaseriviit, aningaasaliisarfiit sillimmasiisarfiillu	2,2	1,4	-	-	39,2	28,0	28,7	28,8
L. Inissianik attartortitsinerit sullissinerillu allat	4,4	5,2	0,5	0,6	42,1	50,1	33,9	32,7
M. Namminersortunit, ilisimatusarnikkut teknikkikkullu suliaqartunit kiffartuussinerit	4,1	2,6	1,1	0,7	10,7	7,6	57,6	58,7
N. Allaffissornikkut kiffartuussinerit .............	4,9	2,0	0,9	0,2	8,1	6,2	17,1	13,1

Nalunaarut: Akiliisinnaassutsip annertussusaa suliaqarfinni Aningaaserivinni aningaasaliisarfinnullu suliarineqanngilaq.

Najoqqutaq: Naatsorsueqqissaartarfik, http://bank.stat.gl/ESNNGL

 

Iluanaarutit annertussusaat tassaavoq pisassarisanut naleqqiullugu akileraa­ruseriikkamik inernerat, tamanna nammineq akiliisinnaassutsimut kisitsi­saavoq pisassarisat nalingini iluanaarutissanik takutitsisoq. 2020-mi Atortussiorneq suliaqarfiup iluanaarutissaata annertussusaa qaffasinner­paasimavoq, tassani suliaqarfik Aatsitassarsiorneq iluanaarutissaat pitsaanngitsumik inerneqarsimallutik aatsitassarsiornikkut sulianik nalikil­liliinernik/appartitsinernik imaluunniit misissueqqaarnerni aningaasartuutit qaffasippallaarsimanerinik peqquteqartumik.

 

Akiliisinnaassuseqarnerup annertussusaata takutippaa qanoq annertutigisu­mik akileeqqusissutit annertunngitsut akuerineqarsinnaanerat. Akiliisinnaas­suseqarneq kaaviiaartitani pisassarisat akiitsunut piaartumik akilerneqartus­sanut naleqqiullugu kisinneqarpoq. 2020-mi akiliisinnaassuseqarnerup an­nertussusaa 2019-imut naleqqiullugu allanngorarsimanngilaq. Tassani nalu­naarsukkat qaangerlugit 1,3-imi inissisimavoq tamannalu suliffeqarfiit piaar­tumik akilersuisussaatitaanerminnut naammassinnissinnaanerannik isuma­qarpoq. Suliaqarfinnili ataasiakkaani naatsorsuutigineqartoq 1-imik appasin­neruvoq.

 

Sinneqartoorutit annertussusaat iluanaaruteqarsinnaanermut tunngassute­qarput suliffeqarfiullu kaaviiaartitamini sinneqartooruteqarnissaminut pigin­naassusaanik takutitsisuulluni. Takussutissaq 3.-mi takuneqarsinnaavoq 2020-mi suliaqarfiit Aatsitassarsiorneq aammalu Akunnittarfiit nerini­artarfiillu sinneqartoorsinnaanerisa annertussusii pitsaanngitsumik iner­neqarsimasut. Inissianik attartortitsinerit sullissinerillu allat suliaqarfiup sinneqartoorutaata annertussusaa qaffasinnerpaasimavoq, sinneqartoorutit annertussusaat 50,1 pct.-imiissimalluni.

 

Annaasaqarnermi akiliisinnaassutsip annertussusaa suliffeqarfiup annaasa­qarnermi akuersaarinnissinnaanermut piginnaasaanik takutitsivoq. Annaasa­qarnermi akiliisinnaassutsip annertussusaa namminerisamik aningaasaatit pisassarisanut tamanut namminerisamik aningaasaatinik aningaasaliiffigi­neqarsimasunut naleqqiullugit kisinneqarput. Annaasaqarnermi akiliisinnaas­sutsip annertussusaa appasippat nutaanik taarsigassarsinissaq aamma ajor­nakusoornerusinnaavoq. Suliaqarfiit tamakkerlutik annaasaqarnissamut aki­liisinnaassusiisa annertussusaat 40 pct.-inik annertuneruvoq. Tamanna pisas­sarisat tamakkerlutik pingajorarterutai sinnerlugit namminerisamik aningaasaatit atorlugit aningaasaliiffigineqarsimanerannik isumaqarpoq.